ტრენინგი “იაზროვნე კრიტიკულად-იმოქმედე პრაქტიკულად” /Training on “Think Critical-Art Practical!”

B2B გამოფენა

პირველად საქართველოში, საქართველოს სტრატეგიული კვლევებისა და განვითარების ცენტრი (CSRDG) ორგანიზებით და სოციალურ საწარმოთა ალიანსთან პარტნიორობით, 3 ნოემბერს, თბილისში სოციალური საწარმოების B2B გამოფენა გაიმართება.
ღონისძიების მიზანია სოციალურ საწარმოებსა და წამყვან ბიზნეს კომპანიებს შორის საქმიანი ურთიერთობების დამყარება და გაღრმავება, ცნების პოპულარიზაცია და სოციალური მეწარმეობის განვითარების ხელშეწყობა საქართველოში.
ღონისძიებაზე წარმოდგენილი იქნება საქართველოში მოქმედი სოციალური საწარმოების პროდუქცია და მომსახურება ბიზნეს კომპანიებისთვის. ფორმატიდან გამომდინარე, ბიზნეს სექტორის წარმომადგენლებს, მათი ინტერესების შესაბამისად, შესაძლებლობა ექნებათ მოლაპარაკება აწარმოონ თითეულ სოციალურ საწარმოსთან სამომავლო თანამშრომლობაზე.

ღონისძიების განრიგი და პროგრამა:
ღონისძიება გაიმართება 3 ნოემბერს, 14:00-18:30 საათებში მისამართზე დავით აღმაშენებლის გამზირი #73 გარდენ ჰოლი, თბილისი, საქართველო.
14:00 _ გამოფენის გახსნა;
14:00-16:30 _ B2B შეხვედრები – შეხვედრები სოციალურ საწარმოებსა და ბიზნეს კომპანიებს შორის;
16:30-17:00 _ ღონისძიების ოფიციალური გახსნა, მისალმება;
17:00-17:20 _ მუსიკალური გაფორმება – პარაორკესტრი;
17:30 _ სოციალური საწარმოების პროდუქციის გათამაშება;
18:30 _ გამოფენის დახურვა.

მონაწილე სოციალური საწარმოები
მოწვეულ კომპანიებს ექნებათ უნიკალური შესაძლებლობა გაეცნონ მოწინავე ქართულ სოციალური საწარმოების მრავალფეროვან პროდუქციას ერთ სივრცეში. რომელთა შორისაა კორპორატიული სასაჩუქრე სუვენირები, უსაფრთხო სათამაშოები, ტრადიციული ხელნაკეთი ნივთები, მისალოცი ბარათები, საბავშვო ავეჯი და სათამაშო მოედნები, ხელით დაწნული კალათები, თაფლი, სუნელები, ნატურალური წვენები, ღვინო და სხვა საინტერესო შეთავაზებები;
გაეცნონ მომსახურებებს, როგორებიცაა მაკულატურის გადამუშავება, კემპინგების ორგანიზება, მუსიკალური თერაპია, ღონისძიებების მომსახურება მუსიკალური ნომრებით და სხვა.
მონაწილე სოციალური საწარმოების და მათ პროდუქციას/სერვისს შეგიძლიათ გაეცნოთ ბმულზე.
დამატებითი ინფორმაცია ღონისძიების შესახებ შეგიძლიათ იხილოთ ბმულზე

საერთაშორისო ბაკალავრიატის ორწლიანი პროგრამა

ხარ 15-17 წლის? ხარ სოციალურად აქტიური და არ გინდა გაჩერდე იმაზე, რასაც მიაღწიე? გინდა მსოფლიოს უკეთესობისკენ შეცვლა? გინდა ისწავლო საერთაშორისო გარემოში და მოეწყო მსოფლიოს წამყვან უნივერსიტეტებში? მაშინ, ეს ინფორმაცია შენთვისაა.

United World Colleges (UWC)– ეს არის საერთაშორისო ბაკალავრიატის ორწლიანი პროგრამა (უნივერსიტეტამდელი მომზადება), დიპლომი, რომელიც საშუალებას გაძლევს მოეწყო მსოფლიოს ნებისმიერ უნივერსიტეტში. მაგრამ არც ეს არის მთავარი – ეს მსოფლიო მასშტაბის მოძრაობაა, რომელიც მიზნად ისახავს აღზარდოს ლიდერები, რომლებიც მზად არიან მაღალი დონის განათლების მიღების შემდგომ დაბრუნდნენ და ხელი შეუწყონ მსოფლიოს უკეთესობისკენ შეცვლას თავიანთი სახლებიდან, ქალაქებიდან და ქვვეყნებიდან.

UWC IB ეს არის:
– საგნები და განრიგი, რომლებსაც შენ თვითონ ირჩევ.
– ცოდნის თეორია გასწავლის აზროვნების მოდელირებას, სხვადასხვა საგნების შორის კავშირის ამოცნობასა და ინფორმაციის მიმართ კრიტიკულ მიდგომას.
– ხელოვნება, აქტივობა, მოხალისეობა – ჩართულობა პროექტებში, სადაც ისწავლი ჯგუფურ მუშაობას, პროექტების დაგეგმვასა და რეალიზებას

UWC – ის მისიაა სხვადასხვა ეროვნების მოსწავლეთა განათლება და მათი გაერთიანება მსოფლიოს მშვიდობიანი და სტაბილური მომავლისთვის.

სინამდვილეში, ეს ყოველივე საკმაოდ ხელმისაწვდომია, შენ გაქვს შანსი მიიღო სტიპენდია მსოფლიოს სხვადასხვა ქვეყნებში არსებული 17 კოლეჯიდან ერთ-ერთში სასწავლებლად. ყველაფერი უფრო მარტივია, ვიდრე ფიქრობ: ყველაფერი იწყება საიტზე აპლიკაციის შევსებით Online Application

17 კოლეჯი მსოფლიოს გარშემო ელის შენს აპლიკაციას!

თუ გაქვს შეკითხვები – მოგვწერე. შემოუერთდი მსოფლიო მასშტაბის მოძრაობას, სადაც განათლება უკეთესი მომავლის მიღწევის ინსტრუმენტია.
დეტალური ინფორმაცია მიღების პროცედურებზე (admission procedures), მოთხოვნებსა (requirements) და ვადების შესახებ მოცემულია UWC- საქართველოს ვებსაიტზე.

ვებ გვერდი: UWC
Facebook- UWCGeorgia
ელ.ფოსტა: georgia@uwcnc.org

კონკურსი “ჩემი, შენი, ჩვენი თემი”

,

კონკურსი „ჩემი, შენი, ჩვენი თემი“ ცხადდება „სტრატეგიული კვლევებისა და განვითარების ცენტრის“(CSRDG) თემის განვითარების პროგრამის ფარგლებში.

კონკურსის მიზანი:

    • ახალგაზრდებში სოციალურიპასუხისმგებლობისა და სოლიდარობის გრძნობის ამაღლება;
    • ქალაქად მცხოვრები ახალგაზრდების თემთან დაახლოება;
    • თემის/სოფლის პოპულარიზაცია;
    • თემში არსებული პრობლემური საკითხების გადაწყვეტა.

რატომ არის კონკურსი სტუნდეტებისთვის საინტერესო?

      • შეუძლიათ გახდნენ თემის სასიცოცხლოდ მნიშვნელოვანი პრობლემის მოგვარების ინიციატორები;
      • უკეთ გაეცნონ თემში არსებულ მდგომარეობას; ადგილობრივ პრობლემებს და ცხოვრების სპეციფიკას;
      • გაიღრმავონ პრაქტიკული გამოცდილება;
      • გაიარონ სერთიფიცირებული ტრენინიგები;
      • აიმაღლონ ცოდნა ფონდების მოძიებასა და საპროექტო განაცხადის მომზადებაში;
      • უკეთ მოახდინონ საკუთარი შესაძლებლობების რეალიზება;
      • განივითარონ გუნდური მუშაობის უნარები;
      • დაამყარონ ახალი და საინტერესო კონტაქტები;
      • მიიღონ საზოგადოებრივ ორგანიზაციაში შემდგომი სტაჟირების შესაძლებლობა;
      • გამარჯვების შემთხვევაში განახორციელონ თავიანთი პროექტები.

კონკურსის შესახებ დეტალური ინფორმაცია
პირველადი რეგისტრაციის ფორმა
ქეისები თსუ-ს სტუდენტებისთვის
ქეისები ილიაუნის სტუდენტებისთვის

პროექტი “სამოქალაქო საზოგადოების განვითარების ინიციატივა”

ევროკავშირის ახალი პროექტი -„სამოქალაქო საზოგადოების განვითარების ინიციატივა“ ემსახურება საქართველოში სამოქალაქო საზოგადოების გარემოს გაუმჯობესებას.

ჩვენი ინიციატივა მიზნად ისახავს:

    • სამოქალაქო საზოგადოების დაფინანსების წყაროების გამრავალფეროვნებას, მათ შორის სახელმწიფო ფონდებისა და კერძო სექტორის გააქტიურებით, მოხალისეობის ინსტიტუტის ხელშეწყობითა და საგადასახადო გარემოს გაუმჯობესებით;
    • სამოქალაქო საზოგადოების ორგანიზაციების შესაძლებლობების, ანგარიშვალდებულებისა და სანდოობის გაზრდას, რათა მათ უკეთ დაიცვან მოქალაქეთა პოლიტიკური, ეკონომიკური, სოციალური და კულტურული უფლებები და ინტერესები;
    • სამოქალაქო საზოგადოების ორგანიზაციების თანამშრომლობის გაძლიერებას ხელისუფლებასთან, მედიასთან და ბიზნეს სექტორთან;
    • სამოქალაქო საზოგადოების ერთობლივი ინიციატივების ხელშეწყობას საჯარო პოლიტიკის სფეროში, განსაკუთრებით ევროკავშირთან ასოცირების ხელშეკრულების განხორციელებისას.

2020 წლის ბოლომდე ინიციატივის ფარგლებში განხორციელდება 110-ზე მეტი სხვადასხვა სახის ღონისძიება და გაიცემა 80-მდე გრანტი, რითაც ისარგებლებს სამოქალაქო საზოგადოების სულ მცირე 5000 წარმომადგენელი მთელი საქართველოს მასშტაბით.

პროექტი ხორციელდება კონრად ადენაუერის ფონდის (KAS) მიერ სამოქალაქო საზოგადოებისინსიტუტთან (CSI), ტრენინგის და კონსულტაციის ცენტრთან (CTC), საქართველოს სტრატეგიული კვლევის და განვითარების ცენტრთან (CSRDG) და განათლების განვითარების და დასაქმების ცენტრთან (KEDEC) თანამშრომლობით.

პროექტი დაფინანსებულია ევროკავშირის და გერმანიის ეკონომიკური თანამშრომლობისა და განვითარების ფედერალური სამინისტროს მიერ.

მხატვარ-ილუსტრატორის ვაკანსია

,

საქართველოს სტრატეგიული კვლევებისა და განვითარების ცენტრი (CSRDG) აცხადებს კონკურსს მხატვარ-ილუსტრატორის პოზიციაზე Video scribing ტიპის ვიდეოებისთვის სკეჩების შესაქმნელა.

განაცხადის მიღების ბოლო ვადა: 16 ოქტომბერი 2017 წელი .

სრული ინფორმაცია კონკურსის შესახებ

ევროკავშირის მიერ დაფინანსებული პროექტი – “სამოქალაქო საზოგადოების განვითარების ინიციატივა” მიზნად ისახავს საქართველოში სამოქალაქო საზოგადოებისათვის არსებული გარემოს გაუმჯობესებას, სამოქალაქო საზოგადოების ორგანიზაციების გაძლიერებას, ბენეფიციართა მიმართ მათი ანგარიშვალდებულების გაზრდასა და სხვა მონაწილეებთან კავშირების გაფართოებას.

პროექტს ახორციელებს კონრად ადენაუერის ფონდი (KAS) და ოთხი ქართული არასამთავრობო ორგანიზაცია – სამოქალაქო საზოგადოების ინსტიტუტი (CSI), კონსულტაციისა და ტრენინგის ცენტრი (CTC), საქართველოს სტრატეგიული კვლევებისა და განვითარების ცენტრი (CSRDG), განათლების განვითარების და დასაქმების ცენტრი (KEDEC).

კონკურსი საექსპერტო მომსახურებაზე

,

საქართველოს სტრატეგიული კვლევებისა და განვითარების ცენტრი (CSRDG) აცხადებს კონკურსს საექსპერტო მომსახურებაზე ევროკავშირსა და საქართველოს შორის ასოცირების შეთანხმების სხვადასხვა სფეროს ანალიზის მიზნით.

განაცხადის მიღების ბოლო ვადა: 16 ოქტომბერი 2017 წელი.
სრული ინფორმაცია კონკურსის შესახებ

ევროკავშირის მიერ დაფინანსებული პროექტი – “სამოქალაქო საზოგადოების განვითარების ინიციატივა” მიზნად ისახავს საქართველოში სამოქალაქო საზოგადოებისათვის არსებული გარემოს გაუმჯობესებას, სამოქალაქო საზოგადოების ორგანიზაციების გაძლიერებას, ბენეფიციართა მიმართ მათი ანგარიშვალდებულების გაზრდასა და სხვა მონაწილეებთან კავშირების გაფართოებას.

პროექტს ახორციელებს კონრად ადენაუერის ფონდი (KAS) და ოთხი ქართული არასამთავრობო ორგანიზაცია – სამოქალაქო საზოგადოების ინსტიტუტი (CSI), კონსულტაციისა და ტრენინგის ცენტრი (CTC), საქართველოს სტრატეგიული კვლევებისა და განვითარების ცენტრი (CSRDG), განათლების განვითარების და დასაქმების ცენტრი (KEDEC).