Want create site? Find Free WordPress Themes and plugins.

ძირითადი მიღწევები

კვლევითი საქმიანობა

ჩვენს პუბლიკაციებსა თუ ბიულეტენებში გამოქვეყნებული მაღალკვალიფიციური ექსპერტების სტატიები წარმატებული ინტერვენციების დაგეგმვის მყარ საფუძველს წარმოადგენს სხვადასხვა სექტორში მოღვაწე ორგანიზაციებისა და ინდივიდებისთვის.

კანონშემოქმედებითი საქმიანობა და სამთავრობო პოლიტიკის დოკუმენტის შემუშავება

წლების მანძილზე, ჩვენს ექსპერტებთან თანამშრომლობით მომზადდა არაერთი მნიშვნელოვანი საკანონმდებლო ინიციატივა, რომელთა უმრავლესობაც გარკვეული ცვლილებებით მიღებულ იქნა პარლამენტის მიერ.

თემის განვითარება

თემის განვითარების პროგრამის ფარგლებში, ბოლო წლებში, სათემო ჯგუფების ინიციატივით და ადგილობრივ თვითმმართველობასთან თანამშრომლობით 500-მდე სხვადასხვა მასშტაბისა და სიმწვავის ადგილობრივი პრობლემა გადაიჭრა.

ჩვენი ძალისხმევის შედეგად, საქართველოს სხვადასხვა მუნიციპალიტეტში, მრავალ ქალაქსა და სოფელში, შესაძლებელი გახდა, როგორც სათემო ორგანიზაციების ქსელის განვითარება და სამოქალაქო კულტურის გაუმჯობესება, ასევე ხელისუფლებასთან დიალოგი და გადაწყვეტილების მიღების პროცესში აქტიური მონაწილეობა.

კარგი მმართველობა

კორპორაციული სოციალური პასუხისმგებლობა (CSR)

ჩვენ ვართ პირველი ქართული ორგანიზაცია, რომელმაც მოამზადა და გამოსცა:

  • მდგრადი განვითარების ანგარიში „ანგარიშგების გლობალური ინიციატივის“(GRI) საერთაშორისო სტანდარტის მიხედვით;
  • პირველი ქართულენოვანი სახელმძღვანელო CSR-ზე საქართველოს უმაღლესი სასწავლებლებისთვის;
  • ვრცელი ანალიტიკური კვლევა „კორპორაციული სოციალური პასუხისმგებლობა და საჯარო სექტორის როლი“ (ანალიტიკური მიმოხილვა და რეკომენდაციები საქართველოს მთავრობას).

მომხმარებლის უფლებები

ჩვენმა ორგანიზაციამ უმნიშვნელოვანესი როლი შეასრულა სურსათის უვნებლობის მიმართულებით საქართველოს კანონმდებლობისა და სახელმწიფო კონტროლის გაუმჯობესებაში. ჩვენი მუშაობის შედეგად, სურსათის ეროვნული სააგენტოს საქმიანობა სულ უფრო გამჭვირვალე ხდება. სააგენტოს დაევალა საეჭვო პროდუქციასთან დაკავშირებით მომხმარებელთა მიმართვებზე ოპერატიული რეაგირება. საქართველოში აიკრძალა რძის პროდუქტების სახელწოდებით ისეთი პროდუქტების გაყიდვა, რომლებიც მცენარეულ ცხიმებს შეიცავს. 

2016 წელს 6 სოციალურ საწარმოსთან ერთად დავაფუძნეთ „სოციალური მეწარმეობის ალიანსი“, რომელიც წარმოადგენს სოციალურ საწარმოთა ერთიან პლატფორმას და ხელს უწყობს წევრების ერთობლივი ინტერესების დაცვას, საზოგადოებაში სექტორის ცნობადობის ზრდას, გამოცდილების გაზიარების და სექტორებს შორის თანამშრომლობის ეფექტური მექანიზმების განვითარებას.

სოციალური მეწარმეობა

საზოგადოებრივი ორგანიზაციების განვითარება

პროგრამის ფარგლებში, ინტენსიურად ვმუშაობთ სოციალური მომსახურების განვითარების და ზოგადად სოციალური კეთილდღეობის მიმართულებით. 2017 წლიდან კი, სოციალური მუშაობის შესახებ კანონის შემუშავებაში მონაწილეობით, აქტიურად ჩავერთეთ სოციალური სფეროს მარეგულირებელი საკანონმდებლო ბაზის გაუმჯობესების პროცესში.

საკონსულტაციო და ტრენინგ მომსახურება

ჩვენი ორგანიზაციის მიერ ჩატარებულ ტრენინგებსა და საკონსულტაციო შეხვედრებს დასწრო 15 000-ზე მეტი ადამიანი. ამ მნიშვნელოვან წარმატებას აძლიერებს ის ფაქტი, რომ ჩვენი ექსპერტიზა აღიარებულია ადგილობრივი და საერთაშორისო ორგანიზაციების მიერ.

Did you find apk for android? You can find new Free Android Games and apps.