Want create site? Find Free WordPress Themes and plugins.

სოციალური მეწარმეობა

მიზანი

ჩვენი მიზანია, ხელი შევუწყოთ საზოგადოებაში დადებით სოციალურ და გარემოსდაცვით ცვლილებებს სოციალური მეწარმეობის მხარდაჭერის გზით.

იმისთვის რომ:

  • სამეწარმეო საქმიანობით სტაბილურად მოგვარდეს საზოგადოებაში არსებული პრობლემები;

  • გაუმჯობესდეს საზოგადოებრივი ორგანიზაციების საქმიანობის სოციალური შედეგები და ფინანსური მდგრადობა;

რას და როგორ ვაკეთებთ?

დასახული მიზნის მისაღწევად ვმუშაობთ 4 ძირითადი მიმართულებით:

I მიმართულება

ექსპერტული დახმარებისა და ინსტიტუციური გაძლიერების სერვისებით უზრუნველყოფა.

II მიმართულება

ფინანსური მხარდაჭერა სოციალური საწარმოს დაფუძნების მსურველთათვის

III მიმართულება

სოციალური საწარმოების განვითარებისთვის ხელშემწყობი გარემოს შექმნა.

IV მიმართულება

თემის პოპულარიზაცია და დაინტერესებულ მხარეებს შორის კავშირების დამყარება.

როგორ დავიწყეთ?

საქართველოს სტრატეგიული კვლევებისა და განვითარების ცენტრმა (CSRDG) სოციალური მეწარმეობის განვითარების ხელშეწყობა 2009 წელს დაიწყო. 2017 წლისათვის საქართველოში 70-ზე მეტი სოციალური საწარმო არსებობს, მათ შორის 20 -ზე მეტი საწარმო დაფუძნებულია ჩვენი ორგანიზაციის მიერ გაცემული საგრანტო დაფინანსებით.

ორგანიზაციის ბაზაზე შეიქმნა სტრუქტურული ერთეული სოციალური მეწარმეობის ცენტრი. საქართველოში მოღვაწე, აღნიშნული საკითხით დაინტერესებული ორგანიზაციებისათვის და პირებისთვის სოციალური მეწარმოების ცენტრი წარმოადგენს რესურს ცენტრს.

2009 წლიდან, ჩვენი ორგანიზაცია რამდენიმე პარტნიორთან ერთად აქტიურად მუშაობდა სფეროს განვითარებაზე.

მოხარული ვართ, რომ ჩვენმა საქმიანობამ სოციალური მეწარმეობის თემის ირგვლივ საზოგადოების მნიშვნელოვანი ნაწილის და სხვადასხვა სექტორის წარმომადგენლების (მათ შორის სამთავრობო, არასამთავრობო და ბიზნესსექტორის) დაინტერესება გამოიწვია.

სოციალური მეწარმეობის 2015 წლის ფორუმზე, რომელიც ყოველწლიურად ტარდება „საქართველოს სტრატეგიული კვლევებისა და განვითარების ცენტრის“ მიერ პარტნიორ ორგანიზაციებთან თანამშრომლობით, მონაწილე სოციალური მეწარმეების მიერ გამოითქვა სურვილი ალიანსის დაფუძნების შესახებ. აქედან გამომდინარე, 2016 წლის 8 ნოემბერს, საქართველოში სოციალური მეწარმეობის განვითარებაზე მომუშავე ორგანიზაციისა (CSRDG) და სოციალური საწარმოების მიერ დაფუძნდა ა(ა)იპ „სოციალურ საწარმოთა ალიანსი“.

ალიანსის მისიაა, საქართველოში სოციალური მეწარმეობის განვითარების ხელშემწყობი გარემოს შექმნა, რაც უზრუნველყოფს მოქმედი სოციალური საწარმოების მდგრადობას და ახალი სოციალური საწარმოების ინიცირებას.

ალიანსი წარმოადგენს სოციალურ საწარმოთა ერთიან პლატფორმას, რომელიც ხელს უწყობს წევრების ერთობლივი ინტერესების დაცვას, საზოგადოებაში სექტორის ცნობადობის ზრდას, გამოცდილების გაზიარების და სექტორებს შორის თანამშრომლობის ეფექტური მექანიზმების განვითარებას.

სად ვმუშაობთ?

საქართველოს სტრატეგიული კვლევებისა და განვითარების ცენტრი, სოციალური მეწარმეობის მიმართულებით, მთელი საქართველოს მასშტაბით საქმიანობს.

დონორები და პარტნიორები

Did you find apk for android? You can find new Free Android Games and apps.