Want create site? Find Free WordPress Themes and plugins.

კორპორაციული სოციალური პასუხისმგებლობა

მიზანი

პროგრამის საქმიანობის მიზანია, ქვეყანაში კორპორაციული სოციალური პასუხისმგებლობისაგმი (CSR) ცნობიერების ამაღლება და თემით დაინტერესებული პირებისთვის ექსპერტიზის ხელმისაწვდომობა. დასახული მიზნის მისაღწევად აქტიურად ვმუშაობთ, როგორც სამთავრობო სტრუქტურებთან, ისე უშუალოდ მსხვილ და მცირე ბიზნეს კომპანიებთან, მედიასთან და უმაღლეს სასწავლებლებთან.

2004 წელს, ადგილობრივ ორგანიზაციებს შორის, პირველმა დავიწყეთ საუბარი ბიზნესის სოციალური პასუხისმგებლობის(CSR) მნიშვნელობის შესახებ და რამდენიმე წელიწადში ამ მიმართულებით ერთ-ერთ წამყვან საზოგადოებრივ ორგანიზაციად ჩამოვყალიბდით.

2004-2007 წლებში მოვამზადეთ 2 სოციოლოგიური კვლევა ქვეყანაში კორპორაციული პასუხისმგებლობისადმი მოსახლეობისა და კერძო სექტორის დამოკიდებულებისა და არსებული გამოცდილების შესასწავლად.

2015 წელს, პროგრამის ფარგლებში, ჩვენი ინიციატივით დაფუძნდა „საქართველოს Pro Bono ქსელი“, რომლის საქმიანობის კოორდინირებას ჩვენი გუნდი ახორციელებს. ქსელის მიზანია, პასუხისმგებელი ბიზნეს კომპანიების დაკავშირება ბენეფიციარ სამოქალაქო ორგანიზაციებთან პრო ბონო სერვისების ხელმისაწვდომობის მიზნით. 2 წლის განმავლობაში კონსულტაცია გაეწია 30-მდე ბენეფიციარ ორგანიზაციას. 2016 წლიდან გავხდით „გლობალური პრო ბონო ქსელის“ წევრი.

როგორ დავიწყეთ?!

როგორ ვმუშაობთ?!

ჩვენი სტრატეგია საქართველოში CSR – ის განვითარებაა, რისთვისაც:

  • ვთანამშრომლობთ სხვადასხვა სექტორებთან კორპორაციული სოციალური პასუხისმგებლობის ხელშემწყობი გარემოს ჩამოყალიბების მიზნით;
  • ვმუშაობთ მთავრობასთან კორპორაციული სოციალური პასუხისმგებლობის ხელშემწყობი სახელმწიფო პოლიტიკის შემუშავების, შესაბამისი ინსტიტუციური და საკანონმდებლო გარემოს ჩამოყალიბების მიზნით;

საქართველოში CSR-ის კონცეფციის პოპულარიზაციისა და სხვადასხვა სექტორების ინფორმირების მიზნით, მუდმივად ვატარებს საკომუნიკაციო კამპანიებს, ტრენინგებს, სემინარებს, დაინტერესებულ მხარეთა ფორუმებს და კონფერენციებს.

გაიგეთ უფრო მეტი

Did you find apk for android? You can find new Free Android Games and apps.