ჩვენი არასამთავრობო ორგანიზაცია რეგისტრირებულია თბილისში, თუმცა აქტიურად ვმუშაობთ რეგიონებში და გვაქვს განხორციელებული პროექტები რეგიონებში. თქვენი საგრანტო კონკურსის შემთხვევაში თუ გვაქვს უფლება მონაწილეობა რომ მივიღოთ? თუ ამისთვის საჭიროა რეგიონალური არასამთავრობო ორგანიზაციაც იყოს კონსორციუმში პროექტის ფარგლებში?

თბილისში რეგისტრირებულ არასამთავრობო ორგანიზაციას შეუძლია წარმოადგინოს საგრანტო განაცხადი ნებისმიერ რეგიონზე როგორც ინდივიდუალურად ისე კონსორციუმის სახით. კონსორციუმის ერთი წევრი აუცილებლად უნდა იყოს საქართველოს რეგიონში რეგისტრირებული და მოქმედი ორგანიზაცია.
უპირატესობა მიენიჭება იმ კონსორციუმის, რომელშიც მონაწილეობს საქართველოს რეგიონებში რეგისტრირებული და მოქმედი ორი ადგილობრივი ორგანიზაცია.

შეუძლია თუ არა ორგანიზაციას წარმოადგინოს საგრანტო პროექტი როგორც ინდივიდუალურად, ასევე კონსორციუმის წევრის სახით?

დიახ, ორგანიზაციას შეუძლია წარმოადგინოს საგრანტო პროექტი როგორც ინდივიდუალურად, ასევე კონსორციუმის წევრის სახით. თუმცა ერთ ორგანიზაციაზე გაიცემა არა უმეტეს ერთი გრანტისა.

კონსორციუმის შემთხვევაში თანადაფინანსების წარმოდგენა სავალდებულოა ყველა წევრის (როგორ ლიდერი, ისე პარტნიორები) მიერ თუ ნებისმიერ ერთ წევრსაც შეუძლია?

პროექტის პირობების თანახმად თანადაფინანსება სავალდებულო არ არის, თუმცა სასურველია. თანადაფინანსება შეუძლია წარმოადგინოს როგორც კონსორციუმის ერთმა ნებისმიერმა წევრმა, ისე მასში შემავალმა ყველა ორგანიზაციამ.

საგრანტო კონკურსში მონაწილეობა შეუძლია თუ არა თბილისში რეგისტრირებულ არასამთავრობო ორგანიზაციას?

დიახ, შეუძლია

ღონისძიების ორგანიზებასთან დაკავშირებული ჰონორარის ხარჯი ბიუჯეტის რომელ მუხლში უნდა ვაჩვენოთ?

ღონისძიების ორგანიზებასთან დაკავშირებული საჰონორარო მომსახურების ხარჯები უნდა აჩვენოთ „შრომის ანაზღაურების“ მუხლში.

საბანკო ხარჯი რომელ მუხლში უნდა ვაჩვენოთ?

საბანკო ხარჯი და განსხვავებული ტიპის ხარჯები მიუთითეთ “სხვა ხარჯების” მუხლში

შეგვიძლია თუ არა რომ ორგანიზაციის საკუთრებაში არსებული კომპიუტერი და ფოტოაპარატი ვაჩვენოთ საგრანტო პროექტის თანადაფინანსებაში?

დიახ, შეგიძლიათ კომპიუტერული ტექნიკა აჩვენოთ თანადაფინანსებაში. არაფულადი ფორმით გამოხატული თანამონაწილეობა წარმოდგენილი უნდა იყოს საბაზრო ფასით.