Want create site? Find Free WordPress Themes and plugins.

მწვანე ნაგებობების თემაზე ევროკავშირის მხარდაჭერითა და სფეროს უცხოელი ექსპერტების მონაწილეობით ონლაინ ფორუმი გაიმართება

12 ნოემბერს 11:00 საათზე, ევროკავშირისა და კონრად ადენაუერის ფონდის (KAS) მხარდაჭერით, „საქართველოს სტრატეგიული კვლევებისა და განვითარების ცენტრის“ (CSRDG) ორგანიზებით ფორუმი გაიმართება თემაზე „მწვანე ნაგებობები: საერთაშორისო გამოცდილება და სხვადასხვა სექტორთა თანამშრომლობის მნიშვნელობა“ ფორუმი პროექტის „სამოქალაქო საზოგადოების განვითარების ინიციატივა“ ფარგლებში, ონლაინ ფორმატში ჩატარდება.

დღევანდელ საქართველოში ძალიან მნიშვნელოვანია სამშენებლო კომპანიების მიერ გარემოზე უარყოფითი ზემოქმედების შემცირება და უფრო თანამედროვე, მწვანე მიდგომებზე გადასვლა. ონლაინ ფორუმი მიზნად ისახავს სწორედ მწვანე ნაგებობების შესახებ დისკუსიის წამოწყებას, თემის დღის წესრიგში დაყენებასა და საერთაშორისო გამოცდილების გაზიარებას.

ღონისძიებაზე მომხსენებლებად მოწვეული არიან საერთაშორისოდ აღიარებული ევროპელი ექსპერტები – ქრის ბათერსი, ოსლოს უნივერსიტეტის განვითარებისა და გარემოს ცენტრიდან და სენდი ჰალიდეი, გაია ჯგუფი, ედინბურგი. საუკეთესო დიზაინის პრინციპების საილუსტრაციოდ მომხსენებლები წარმოადგენენ გამორჩეულ პროექტებს, იმსჯელებენ იმაზე, თუ როგორ შეიძლება სამშენებლო ინდუსტრია განვითარდეს „მწვანე ნაგებობების“ მიმართულებით, როგორ უნდა დავსახოთ მიზნები და გავზომოთ შედეგები, ასევე, რატომ არ უნდა ღირდეს მწვანე ნაგებობები უფრო მეტი. ფორუმი ღიაა ყველა დაინტერესებული მხარისათვის, როგორიცაა: საზოგადოებრივი ორგანიზაციების წარმომადგენლები, გარემოს დამცველები, სამშენებლო და დეველოპერული კომპანიები, შენობების მესაკუთრეები და ოპერატორები, არქიტექტურული სააგენტოები, უმაღლესი სასწავლებლები, სამთავრობო და მარეგულირებელი ორგანოების წარმომადგენლები და სხვ.

ფორუმზე დასასწრებად გაიარეთ რეგისტრაცია

დარეგისტრირება შესაძლებელია 10 ნოემბრის ჩათვლით

დეტალური ინფორმაციისთვის მიჰყევით ბმულს!

კონტექსტი: მწვანე ნაგებობები, კორპორაციული პასუხისმგებლობა და ეკოლოგიური გამოწვევები

სამშენებლო ინდუსტრია დიდ ზეგავლენას ახდენს გარემოზე, რომელშიც ვცხოვრობთ. მშენებლობამ შეიძლება გამოიწვიოს სახიფათო ნარჩენების წარმოქმნა, ხოლო ასეთი ნარჩენების არასათანადოდ განადგურებამ შეიძლება გამოიწვიოს დაბინძურება, რაც ზეგავლენას ახდენს არა მხოლოდ გარემოზე, არამედ ადამიანების ჯანმრთელობაზეც. ამიტომ, საერთაშორისო მასშტაბით სამშენებლო კომპანიების მიერ გარემოზე უარყოფითი ზემოქმედების შემცირების საკითხი უფრო და უფრო მნიშვნელოვანი ხდება.
მდგრადი ნაგებობების მიზანია სამშენებლო ინდუსტრიას შესთავაზოს თანამედროვე და მარტივი გამოსავალი, რათა შემცირდეს მათ მიერ გამოწვეული ნეგატიური ზეგავლენა, რაც საბოლოოდ დადებით შედეგს გამოიღებს როგორც გარემოზე ასევე ადამიანის ჯანმრთელობასა და კეთილდღეობაზე.

ფორუმი ტარდება “საქართველოს სტრატეგიული კვლევებისა და განვითარების ცენტრის” ორგანიზებით, პროექტ „სამოქალაქო საზოგადოების განვითარების ინიციატივა”-ს ფარგლებში, რომელსაც ახორციელებს კონსორციუმი კონრად ადენაუერის ფონდის ხელმძღვანელობით. კონსორციუმში ასევე შედის ოთხი ქართული ორგანიზაცია: სამოქალაქო საზოგადოების ინსტიტუტი (CSI), კონსულტაციისა და ტრენინგის ცენტრი (CTC), საქართველოს სტრატეგიული კვლევებისა და განვითარების ცენტრი (CSRDG), განათლების განვითარების და დასაქმების ცენტრი (EDEC).
პროექტს აფინანსებს ევროკავშირი, ხოლო თანადამფინანსებელია კონრად ადენაუერის ფონდი (KAS).

Did you find apk for android? You can find new Free Android Games and apps.